Француските феминистки побараа да биде отстранета Ајфеловата кула, бидејќи била "фалички симбол, кој го претставува патријархалното минато"...

"Доволно долго живеевме во сенка на тоа патријархално чудовиште. Жените во овој град секој ден се принудени да го гледаат овој џиновски метален фалос, кој се стреми кон небото", вели Маријана Касторија, водачот на обединување на неколку феминистички групи.

"Ајфеловата кула можеби е одлична мамка за привлекување на туристи, но додека таа стои таму во Франција никогаш нема да има еднаквост. Зашто од 1889 година досега кулата симболизира мачизам, колонијално високомерие и сексуална нееднаквост".

"Токму такви фалички објекти како Ајфеловата кула го формираат однесувањето на луѓето како Доминик Строс-Кан", смета Касторија, мислејќи на поранешниот директор на ММФ, против кого имаше обвиненија за силување на темнокожа собарка во њујоршки хотел.