Така на пример чеченскиoт претседател Рамзан Кадиров има прекрасен Bovet Fleurier вреден 300.000 долари. Ова скапо задоволство би требало да го доведе Кадиров до банкрот, бидејќи тој декларирал дека располага со годишен приход од околу 100 000 долари, со обична Лада и со апартрамен од 36 квадратни метри во Грозни.
Но неговиот часовник сепак не е најскапиот. Најмногу се изразил заменик градоначалникот на Москва, Владимир Ресин, кој е горд сопственик на часовник марка DeWitt LaPressy Grande Complication кој чини 1.03 милиони американски долари. Не заостануваат и шефовите на некои од најголемите компании во земјата- сопственикот на Гаспром Алексеј Милер има часовник Bréguet од 112.000 долари, а директорот на државната банка VTB Андреј Костин има Sun Patek Philippe за 240 800 долари.
Рускиот претседател Димитри Медведев, кој како приоритет ја става борбата против корупцијата, е задоволен со обичен Breguet Classique Moon Phase од 32 200 долари. Палмата на скромноста ја држи и премиерот Владимир Путин, кој носи на раката IWC Pilot's Watch Mark XV од 3400 американски долари или Blancpain Leman Aqualung Grande Date од 10 500 долари.
