Имате празен аквариум? Овие сирени можат да се изнајмат за журки и други прилики кога сакате да ги импресионирате гостите.

Линден Волберт (32) од Лос Анџелес е само една од сирените кои се во понудата на сајтот „Изнајмете сирена“. Таа патува по светот и користи вештини стекнати за време на занимавање со нуркање за да ја воодушеви публиката.

Волберт може да го задржи здивот до пет минути, плива со опашката која е тешка 15 килограми. Настапувала на журки на познати какви што се Џастин Тимберлејк и Џесика Алба.

„Супер е да се биде сирена, секогаш сум ја сакала водата и во неа се чувствував како дома. Мило ми е што имам прилика да ‘живеам’ во вода и да ги забавувам луѓето“, вели таа.

Опашката и ја направил професионалец за специјални ефекти Ален Холт, а за тој проект му биле потребни седум месеци.

Покрај тоа што е „професионална“ сирена, Линден снима и филмови за деца за безбедноста во водата, и учествува во многу хуманитарни акции.