Лична кореспонденција на Мерилин Монро, Џон Ленон и поранешниот претседател на САД Двајт Ајзенхауер ќе биде продадена на аукција...

Збирката е сопственост на приватен колекционер. Најскапо се очекува да биде продадено писмото на Мерилин Монро, која таа го напишала во момент на очај неколку дена пред својата смрт. Писмото е упатено до менторот на актерката Ли Страсбарг, творец на најпознатата актерска школа во САД, основана на методот на Станиславски.

"Волјата ми е слаба, ништо не успевам да истрпам. Звучи откачено, но мислам дека навистина полудувам. Застанувам пред камерата - и концентрацијата и актерските вештини ме напуштаат. А потоа се чувствувам како да не припаѓам на човечката раса", пишува Монро во писмото, што се очекува да биде продадено за околу 33 илјади британски фунти.

На аукција ќе бидат понудени и писма од поранешниот американски претседател Двајт Ајзенхауер до неговата сопруга Мами, како и писма на Џон Ленон до Пол Макартни, пишувани непосредно по распадот на "Битлси".