Многуте пријатели и квалитетот на човечките односи во зрела возраст се клучот за долговечноста...

Ново истражување покажува дека возрасните луѓе кои одржуваат редовни контакти со надворешниот свет, живеат подолго од оние кои ретко комуницираат дури и со своето семејство. Според експертите, дури и простиот контакт со продавачите зад штандот има корисен ефект врз здравјето.

Заклучокот е направен од тим на научници од универзитетскиот колеџ во Лондон, според кои социјалните контакти навистина се особено важни. Осаменоста и чувството на изолација и недостаток на комуникација се одразуваат исклучително негативно врз постарите лица.

Во истражувањето учествувале 6500 луѓе на возраст над 50 години. За седум години околу 900 лица починале. Резултатите покажуваат дека ризикот од смрт е за 25% повисок кај луѓето кои немаат социјални контакти.