Едноличната и невкусна храна може да предизвика сериозни нервни и психички растројства, тврдат истражувачите...

Според нив невкусната храна го намалува емоционалниот тонус, ги прави луѓето апатични и во најдобар случај води до хроничен замор. Така строгата диета, вклучувајќи храна кој не е според индивидуалниот вкус на човекот, може да доведе до длабоко невротично растројство.

Луѓето со депресивен став реагираат уште поболно на едноличното јадење. Бидејќи не чувствуваат пријатен вкус, депресивно болните се хранат автоматски и не го сфаќаат конзумираното количество. Тоа станува причина за покачување на тежината. 30% од луѓето во депресивна состојба се дебелат.

Жртви на "диетална" депресија се главно жените, бидејќи тие почесто применуваат исцрпувачки диети. Како резултат мозокот се соочува со недостиг од важни материи и до сите органи праќа сигнали за загриженост и тензии. Човек почнува да се чувствува напнат, раздразнет, несреќен.

Заклучокот на научниците е дека ако долго се применува иста диета, тоа ја нарушува размената, во организмот се натрупуваат кетонови тела, кои негативно влијаат на мозокот и освен тоа доведуваат до проблеми со срцето.