Хотел во Хелсинки објави оглас во кој бара „професионален спијач“! Задачата: да ги испробате сите кревети во сите 35 соби.

Управата на хотелот Finn, кој се наоѓа во центарот на Хелсинки, објасни дека спијачот ќе биде задолжен за време на 35 дена да ги тестира хотелските соби и своите забелешки да ги пишува на блог.

На оваа идеја дошол менаџерот на хотелот Тио Тика кој смета дека тоа ќе биде добра реклама за неговиот угостителски објект, кој неодамна е целосно реновиран.

Тој наведе дека за тоа работно место потребна е „динамична личност која знае да пишува интересен блог“, за секојдневните искуства во хотелот кој нема ниту бар, ниту ресторан.

Се бара личност која течно зборува фински и англиски, а пожелно е и познавање на руски јазик. Почетокот на работата е 17 мај, а пријавите ќе се примаат до крајот на април.

До сега молби пратиле повеќе од 600 „искусни“ спијачи.