Велигденско јајце, високо шест метри и направено целосно од чоколадо, од деца од Аргентина, болни од тризомија и слаткари, има амбиција да влезе во Гинисовата книга на рекорди, соопштија од општината на градот Мирамар...

Вкупно триесетина лица од туристичкиот град на атлантското крајбрежје, на 450 километри јужно од Буенос Аирес, работеле на јајцето од 1 март. За создавањето биле потребни 4,5 тони чоколадо. "Се надеваме да влеземе во Гинисовата книга на рекорди за најголемо јајце во светот, направено целосно од чоколадо. Веќе има едно поголемо, но тоа е со метална и дрвена структура. Нашето е целосно од чоколадо", изјави директорот на туристичката агенција на Мирамар Карлос Пахилардини.

Чоколатиерот Валтер Арагонес прецизира дека две "чоколадни греди" со должина од три метри и други чоколадни уреди ги држат темелите на јајцето. Општината планира да го разедели јајцето на 30 000 порции, кои ќе бидат поделени бесплатно во неделата, кога католиците ќе го одбележат Велигден.