Ја сакаат ли мажите црвената боја на жените и може ли црвената боја да ни осигура поголеми шански на состанокот...

Сигурно барем еднаш сте учествувале во расправа за тоа дали црвената боја е секси или придонесува  за оставање на погрешен впечаток. Според истражувањето кое го спровел универзитетот во Рочестер, мажите најмногу интерес покажале за жените кои на фотографиите носеле црвено. Тоа воопшто не значело дека другите жени се помалку интелигентни или лоши, само дека оние кои ја носат оваа огнена боја кај мажите предизвикуваат сексуално привлекување.

И тоа не се однесува само на облеката, туку и на кармините за усни. Студијата исто така покажала дека со црвената боја на усните ќе привлечете многу повеќе внимание отоколку со било која друга нијанса и дека келнерки добиваат поголем бакшиж ако носат црвен кармин. Но, постои и друга страна на приказната, а тоа е дека црвената понекогаш може да остави погрешен впечаток. Така глумицата Наоми Ватс за списанието "People" го изјави следново: "Црвениот кармин и плавата коса понекогаш изгледаат повеќе порнографски,отколку секси."

Ако сепак храбро се одлучите за црвена,само имајте на ум дека црвениот кармин оди исклучиво со минимална шминка на останатите делови од лицето. Доволна е црна маскара и сенка во неутрална боја или нежна црта со моливче.

Што велите вие? Може ли црвената боја да ги зголеми шансите кај мажите?