Дали ова се фармерки или боја за тело? Дознајте во видеото.

Компанијата American Eagle на YouTube постави реклама за „најтесните фармерки на светот“. Видеото Skinny Skinny Jeans го погледнале речиси милион гледачи, а многу од нив поверувале дека станува збор за вистински фармерки.

Моделите во спотот, се разбира, носат само body paint, но разговараат за своите прекрасни впечатоци при носење на овие непостоечки фармерки.

„Како да не носам ништо“, вели еден од моделите.

„Сакавме само малку да се пошегуваме со нашите муштерии, и многу се израдувавме на нивните реакции. Многумина од нив не контактираа за да не прашаат кога овие фармерки ќе бидат во продажба, не сфаќајќи дека станува збор за боја за тело“, рече подпретседателот на маркетингот на American Eagle, Боб Холобинко.