Израелски режисер направил филмче од кое ќе ви се сврти во главата.

Месе Коп најпрво внимателно се снимил себе како оди наназад за време на интеракција со „нормални“ поминувачи, а потоа ја обрнал снимката за да изгледа како единствено тој да се движи во склад со времето, а сите нивни активности одат наназад.

„Не можам да пребројам колку дена ми беа потребни за да го осмислам целиот концепт така за да биде без грешка, а видеото го снимивме за само два часа“, вели Коп, режисер од Израел.

Видеото веќе го имаат прегледано повеќе од три милиони луѓе, а интересно е што Коп целиот филм го снимил од еден обид.