Роб Раинхарт е 24-годишно момче од Атланта, во државата Џорџија, кому му дошло преку глава постојано да дава пари за храна и да готви. Неговото решение - пијалок, кој ги содржи сите хранливи материи, кои му се потребни на ораганизмот...

Решен да троши пари и време за поефикасен начин отколку да обиколува по продавниците за храна и да стои во кујната Раинхарт создава уникатен пијалок, која му ги дава сите потребни витамини и минерали.

Течноста е густа и беж боја и на прв поглед личи на мешавина за палачинки. Според Рајнхард таа има одличен вкус и по цели шест недели конзумирање тој сеуште ја сака.

Ја нарекол "Soylent" и верува дека таа ги содржи сите витални елементи од една избалансирана исхрана, но само една третина од суптилните калории. Во неа се содржат сите витамини, минерали, додатоци во исхраната, аминокиселини, масти и јаглехидрати, од кои има потреба организмот.

"Имаме потреба од јаглехидрати, а не леб. Од аминокиселини, а не млеко. Се разбира, може да ги јадете и крајните производи, но не секој може да си ги дозволи или пак сака да ги прави", објаснува Американецот. "Организмот ги сака состојките, а не готовиот производ".

Според него пијалокот е доста практично решение, бидејќи не мора да миете чинии, да порачате, да водите спорови за тоа што треба да се подготвува за вечера или пак да плаќаат големи сметки за струја и вода.