Со почетокот на школувањето, повеќето деца имаат доволно знаење од својот секојдневен живот, па тогаш и освојувањето на тие вештини станува брзо и спонтано....

Децата не го разбираат поимот број, а во сметањето на времето се се сведува токму на броевите. Се тргнува од 0, наместо од бројот 1, часот има 60 минути, секоја минута 60 секунди, денот 24 часа...Затоа, постојат часовници со стрелки, а просторот помеѓу два броја на часовникот изнесува или 5 минути или цел час, а постојат и дигитални часовници.

Во предучилишна возраст, не се оптеретувате со математика. Детето во почетокот нема да знае доволно математички поими за да ги разбере фактите како што се: минутата има 60 секунди, часот има 60 минути. Наместо тоа, претставете му го часовникот како игра.

Говорете во такви одредници кои детето може да ги разбере. Пронајдете некоја активност која детето ја познава, која е дел од неговиот секојдневен живот и тогаш разговарајте за нејзиниото времетраање. "Колку време поминува додака да го изеде сладоледот? Колку трае твојот омилен цртан филм? Колку долго спиеме?"... Вежбајте на овој начин најпрво утрврдувајќи дали нешто е краткотрајно или долготрајно.

Направете часовник од картон со поместувачки стрелки. Играјте си. Кога ќе ги поставите стрелките во одредена положба, разговарајте со детето што правите во тој период од денот. Прашајте се меѓусебно и одговарајте се додека тоа не сфати дека во секој ден се случува нешто друго, а дека често тој ритам и динамика на случувањата зависи од часовникот. "Кога одиш на градинка? Во колку часот ручаме?"