Електричен скутер, кој лесно и компактно се прибира, може да развие брзина од 45 км/ч и е идеален за возење до работа и обратно...
Уредот е совршен за сите оние кои ја мразат градската врева и се нервираат барајќи место за паркирање. Скутерот може да биде и решение на проблемите со доцнењето на градскиот транспорт. Тој е мал и се преклопува, па може да го носите во автобус или воз. Потоа слободно можете да продолжите да патувате со брзина од 45 км/ч.
Скутерот тежи 25 килограми и за возење на 35 километри е потребно да го полните само еден час. Прибирањето трае само неколку секунди, а потоа можете да го трансформирате како куфер, бидејќи има практични тркалца.
Компанијата "Антро", која го има развиено возилото, ќе го пушти на пазарот следната година. Цената ќе биде околу 3000 долари, а продажбата ќе започне прво на интернет.
