На една тинејџерка морале да ја спасуваат пожарникарите откако се заглавила во бебешко столче.

Амбер Џексон (19) пиела со друштво во Хов, во источен Сасекс, кога и дале предизвик да се „вовлече“ во столче за хранење на мали деца.

Амбер успеала да ги вовлече нозете и да позира за фотката, но потоа сфатила дека не може да се извлече од столчето. Во паника, пријателите ја собориле на подот за да не мора да стои во незгодната положба и ја повикале брзата служба.

На Амбер од столчето морале да ја вадат пожарникарите, така што со посебни сечила го исекле столчето од неа. Тинејџерката не можела да оди околу час време по оваа „авантура“, затоа што стегнатото столче и го прекинал крвотокот во нозете.

„Сликата прошета по интернет и навистина ми е срам. Толпа луѓе ми пишуваат дека сум глупава, но не сум глупава, туку само бев пијана“, кажа Амбер која вети дека следниот пат ќе прескокнува вакви предизвици кога ќе се напие.