Микроблогот и омилената социјална мрежа на славните го прославува седмиот роденден со посебен роденденски видео запис.

Twitter го користат преку 200 милиони корисници, кои секој ден оставаат преку 400 милиони твитови.

Иако мрежата помина низ некои тешки фази за време на својот развој, сега може да се пофали со најголема база на славни корисници, кои преку лични Twitter профили објавуваат се и сешто. Twitter го користи дури и папата!

Межата е основана во 2006 година, а првиот ретвит и хаштаг се објавени веќе кон почетокот на 2007 година. За седум години постоење се има твитано од срушени авиони, спасувачки мисии, од вселената, од сите најпознати места на планетата, од небото, под вода, а останатите многу интересни информации погледнете ги во посебно Twitter видео.