Американски тинејџер ја повикал Кејт Аптон да му биде партнерка, а таа прифатила преку Twitter.

Кејт Аптон е жена по која воздивнуваат многу мажи и нема сомнеж дека секој средношколец би бил пресреќен баш таа да му биде партнерка на матурската вечер. Еден млад Американец снимил симпатично видео, во кое ја повикува Кејт на матурска вечер.

„Јас сум Евреј, висок сум 175 и не умеам да танцувам. Воопшто. Ти си христијанка, висока си 180 и требаше да добиеш Оскар за филмот во кој играш. Дали е тоа судбина?“, прашува Џејк Дејвидсон во видеото.

Тој и порачал на Кејт дека матурската е на 23 мај и дека би сакал таа да оди со него.

„Само не знам дали повеќе сакаш да те викаат Кејт или Кејти“, напишал тој.

Аптон на Twitter веднаш прифатила да оди со него. „Како да одбијам ваква покана?! Слободно викај ме Кејти. Го проверувам распоредот за мај“, напиша Кејт.

Сличен фазон со поканување на познатите да им бидат партнери направија и американските маринци кои ги повикаа Џастин Тимберлејк, Мила Кунис и Бети Вајт.