Храната без сомнение е најдобриот начин за обновување на силите. Но, тоа не е златно правило, пишува "Menager News". Бидејќи во пракса има храна и пијалаци, кои не само што не не полнат со енергија, туку напротив - го намалуваат нашиот животен тонус...

Ова е мислењето на група американски научници, цитирани од MedikForum. Според нив, на прво место меѓу овие штетни производи е алкохолот - тој предизвикува поспаност, но не носи вистинско опуштање, а телото губи можноста да одмора како што треба.

Тоа дека алкохолот е на прво место не е изненадувачки - иако стручњаците не престануваат да повторуваат дека тој може да биде дури и опасен за здравјето.

Второто место, исто така не е изненадување. На него се сите слатките јадења. Тие предизвикуваат скок во нивото на шеќер во крвта, а тоа делува оптоварувачки на организмот.

За сметка на првото и второто место, третото е прилично неочекувано. Таму е мисиркиното месо, кое за среќа, не е особено популарно кај нас. Тоа, според американските диетолози, има релаксирачки ефект, а тоа ја намалува работоспособноста.

Освен тоа, во листата на храната, што доведува до губење на енергија се и житните производи и тестенини. Кај нив проблемот е ист како кај слаткото - тие доведуваат до нагло зголемување на гликозата во крвта.

Не се препорачуваат и пржени јадења кои го вознемируваат желудникот и цревата и бараат премногу време и енергија за да бидат разградени.