Сајтот VeryFirstTo.com нуди епско патување за сите кои се подготвени да платат милион евра и кои немаат никакви планови за наредните две години...

Патувањето вклучува посета на сите УНЕСКО заштитени локации на светот (962) кои ги вклучуваат Соунхенџ, Велигденските острови, пирамидите во Гизи, Мачу Пичу, катедралата Нотр Дам и Ватикан.

Иако постојат одредени локации кои не се безбедни за туристите, сајтот тврди дека е подготвен да им излезе во пресрет на сите туристи кои сепак сакаат да ги посетат.

Патувањето вклучува сместување во луксузни хотели како што се Ѕandy Lane на Барбадос, George V во Париз, Plaza во Њујорк, Cipriani во Венеција и Taj Mahal Palace во Мумбаи.

На патувањето може се одлучат најмалку две лица, а 6.000 евра од секоја уплата ќе бидат донирани на УНЕСКО.

Сајтот се здружил со туристичката агенција специјализирана за луксузни патување Hurlingham Travel  за да го осмисли целиот овој проект.

VeryFirstTo исто така нуди и патување во вселената по цена од 70.000 евра и прилика да се разбудите окружени со милион ливчиња од роза по иста цена.