Луѓето кои се жалат дека не спијат добро, водат седечки начин на живот, покажува најновото истражување...

Помеѓу 56 и 67% од испитаниците велат дека физичката активност им го подобрува сонот. Од оние кои не се занимаваат со спорт, само 39% можат да се пофалат со здрав сон. Само 8% од учесниците изјавиле дека и покрај фитнесот, имаат проблеми со заспивањето, но резултатите се категорични дека оние кои само лежат на каучот страдаат три пати почесто од несоница.

Експертите го одредуваат пешачењето како мало оптоварување, умерената физичка активност вклучува вежби како кревање тегови и јога, а интензивни оптоварувања се трчање, пливање и велосипедизам. Учесниците во експериментот требало да практикуваат по едно и од трите по 10 минути секој ден. Се покажало дека оние кои го оптоваруваат телото најмногу заспиваат веднаш по "допирањето на перницата".

Оние кои не се наспиват добро пак немаат енергија за спорт и така обликуваат еден маѓепсан круг, кој му штети на здравјето.