Човек од Конектикат собрал 5.000 долари за да ги посети сите свои 788 пријатели кои ги има на Facebook. Неговите пријатели живеат ширум Америка и тоа ќе биде вистинска авантура.

Тај Морин го покренал проектот ‘Friend Request: Accepted’ за да се поврза со луѓето.

„Не сакам повеќе да се кријам зад мониторот. Треба да престанеме да се правиме луди кога поминуваме покрај стари пријатели од средно училиште. Сакам да ги потсетам луѓето како изгледа ситуацијата кога луѓето разговараат очи во очи“, рече Тај за CNN.

Морин планира да ја фотографира секоја личност која ќе ја посети и да прикаже некоја од активностите кои тие ги сакаат.

„Не со секој од нив да престојувам во соба и само да ги фотографирам, туку ќе седам со нив, ќе разговарам и навистина ќе ги запознаам“, рече Тај.