Финска пивара се подготвува да го пресоздаде "едно од најстарите пива во светот", повеќе од две години по отворањето на пет шишиња пивото во потонало во трговски брод во 1840 година, објавија властите во Аланд, полуавтономна провинција во Финска, каде што потонал бродот...

Локалната пивара Сталхаген ќе го пресоздаде и ќе го пушти во продажба пивото, рака што првите шишиња од него ќе бидат продадени во 2014 година "На светскиот пазар побарувачката за специјални пива расте и ние сме убедени дека нашиот производ ќе ги заинтересира познавачите од целиот свет", изјави генералниот директор на Сталхаген Јан Венстром.

Пиварата вети дека ќе обезбеди дел од приходите од продажба на локалните власти, за да ги "финансира морските археолошки истражувања и подобрување на квалитетот на водите" во Балтичкото Море, прецизира во соопштението портпаролот на властите во Аланд, Јохан Ен.

Примероците од пивото беа анализирани од финската лабораторија VTT која го утврдила неговиот состав за да го пресоздаде речиси идентично. "Ова е светло пиво и личи на пивото во наше време", изјави Аника Вилелмсон. Анализата не утврдилс дали пивото е произведено исклучиво врз основа на јачмен или се вклучени и други житни култури како пченица.

Шишињата пиво беа пронајдени по среќна случајност. Во летото, 2010 година нуркачи ги пронашле додека учествувале во операција за вадење на 70 шишиња шампањ. Тоа беше признаено за најстарото шампањско во светот погодно за пиење.