По 101 година колку што помина од потонувањето на Титаник, аукциската куќа "Henry Aldridge & Son" ја потврди автентичноста на виолината пронајдена на таванот на една куќа во Англија...

Навистина станува збор за виолината од познатиот брод, а бидејќи за неа владее голем интерес во јавноста, ќе биде изложена на Велигден во градското собрание во Белфаст, градот каде е изграден Титаник.

Сопственик на виолинта беше шефот на оркестрот Wallace Hartley, кој влезе во легендите по одлуката да продолжи да свири додека бродот тонеше.  Неговото тело наводно било пронајдено со виолината на неговите гради, но потоа и се губи секоја нејзина трага. Се претпоставува дека била пратена на неговата вереница Марија Робертсон. По нејзината смрт во 1939 година, виолината е доверена на Армијата на спасот, за што сведочи и писмото во кое професорката по музика напишала: "Речиси е невозможно да се свири на неа, главно поради бурниот живот кој го преживеала".