Не е можно да се справиме со навиката да јадеме слатко без да сфатиме какви чувства стојат зад него, смета проф Кони Бенет, автор на книгата "Ѕugar Shock!"...

"Кога незапирливо ни се прејаде нешто слатко, мислата за тоа колку штетни за организмот се шеќерот и рафинираните јаглехидрати воопшто не помага. Во тој момент обидете се да направите нешто како самоанализа", советува таа и тврди дека тоа е најуспешниот начин кој им помогнал на повеќето луѓе да се откажат од штетната навика.

Ако ја нарушувате диетата под влијание на емоциите (тоа се забележува кај повеќето луѓе), многу корисно е да ја осознаете вистинската причина за привлечност кон благото. Помислете: зошто се спремате да ја прекршите диетата, да му нанесете штета на организмот, да ги игнорирате добрите намери само поради парче торта, кое не содржи ниту целулоза, ниту хранливи материи?

Обидете се да одговорите на прашањата брзо и искрено - не е потребно да ги споделите одговорите со некој друг.

Кога незапирливо ќе посакате да каснете нешто слатко, чувствувате ли: злоба, вознемиреност, немоќ, срам, навреда, пречки, здодевност, покајание пораз, депресија, конфузија, разочарување, завист, иритации, вина, беспомошност, непотребност, душевна болка, љубомора, осаменост, поспаност, замор, очај...

Ако некаде меѓу овие одговори се крие вистинската мотивација, можете да ја користите за своето добро, советува професорот Бенет: "Анализирајте ги одговорите. Составете листа на емоциите кои најчесто ве тераат да ја прекршите диетата. Ставете го списокот на видно место".

"Осознавањето на емоциите кои предизвикуваат привлечност кон слатките лакомства, ќе ве направат посилни и способни да кажете НЕ, дури и кога искушението е премногу големо. Докажете дека сте многу посилни отколку навиката за благо. И не заборавајте дека животот и без рафинирани сладости е сладок", завршува својата книга авторката.