Кравите можат да предвидуваат кога ќе заврне, открија американските научници. Тие откриле дека кравите стојат исправени повеќе кога е жешко, што докажува дека има одредена поврзаност помеѓу однесувањето и времето. Кравите лежат, кога е ладно, а тоа во повеќето случаи навестува врнежи...

Истражувањето ги потврдува верувањата во британскиот фермерски фолклор дека глетката на стадо животни кои лежат во полето, е добар знак дека ќе заврне. Научниците од универзитетите во Аризона и во северозападниот Мисури ја истражувале конкретно температурата на телото на кравите во американскиот запад, бидејќи кога им е премногу жешко, даваат помалку млеко.

Истражувачите откриле дека кравите стојат исправено подолго, кога е жешко, бидејќи тоа им помага да се намали телесната температура. Изложувајќи поголем дел од површината, топлината во телото им се распрснува во воздухот. Кога на кравите им е премногу жешко, тие јадат помалку и произведуваат помалку млеко.

Кравите лежат, кога сакаат да задржат топлина и енергија, а фармерите во особено жешки климатски појаси треба да тераат своите стада да лежат повеќе. Како и секој човек, заинтересиран за метеорологија знае дека на дождот обично му претходи ознаката низок притисок, што лесно може да се мери и е исто така знак дека станува студено. Ако кравите губат топлина, кога стојат, откривањето на појавата на ладно време ќе ги натера да легнат.

Научниците планираат да спроведат нови истражувања како реагираат кравите на други аспекти на времето, вклучувајќи ја влажноста.