Некои ја прегрнуваат перницата, а оние посреќните личноста која ја сакаат. Токму таа прегратка е најдобра, но и најкорисна за нас. Еве зошто би требало почесто да се прегрнувате...

Среќни сме
Прегратката го потикнува лачењето на окситоцин, кој во нас предизвикува пријатно расположение. Освен окситоцин, излачува и ендрофин, кој се лачи и после вежбање или кога јадеме чоколадо. Ако се прегрнуваме после вежбање или додека јадеме чоколадо, ефектот ќе биде уште подобар.

Се чувствуваме секси
Секое приближување до партнерот не прави среќни, особено ако прегратките доведат до секс. Допаминот кој се ослободува во нас ја буди сексуалната желба дури и ако не сме премногу расположени, а сето тоа можеме да го подобриме со уште една серија прегратки после сексот.

Го намалува стресот
Прегратката може да помогне во намалување на нивото на стресот. Сетете се кога сте лути: Прегратка од 30-тина секунди може да направи чуда. Освен што го намалува стресот, прегратките го намалуваат и крвниот притисок, што секогаш е корисно.

Се поврзуваме со партнерот
Окситоцинот не спојува, а научниците тврдат дека токму тој е причината поради кој жените емоционално се врзуваат за сексуалниот партнер. Дури и ако не дојде до секс, лицата кои се прегрнуваат создаваат цврста врска и имаат потреба почесто да бидат заедно.

Ја подобруваат комуникацијата
Паровите кои се караат можат да ја пробат терапијата со прегратки. Освен што така ќе ја намалат напнатоста, ќе отворат и пат за комуникација која можеби било невозможно да се пронајде на обичен начин. На некои им е полесно да си ја отворат душата кога се во прегратка.