Голем е бројот на јадења кои не можат да се замислат без лук, една од најздравите намирници кои се одликуваат со атнибактериски, антивирусни и антиоксидансни својства. Но, поради неговиот специфичен мирис кој доаѓа од устата за да не бидете "анти" сакани во друштвото, пробајте ги овие корисни совети...

1.Магданос
Овој зелен зачин е достапен не само во вашата кујна туку насекаде во рестораните затоа што често се користи за украсување на јадењата. Џвакајте го веднаш за благодарение на моќниот освежувач хлорофил со кој изобилува да го неутрализирате непосакуваниот здив и мирис.

2.Лимонада или парче лимон
Лимоната ќе ви помогне да го неутрализирате здивот од лук, но само ако во себе содржи природен сок од лимон. Газираните или било кои други сокови нема да ви помогнат во тоа.

3.Топол чај
При ослободувањето од силниот здив од устата најмногу помага зелениот чај. Со него го измивате маслото од лукот кој се задржал на јазикот и забите. Доколку не сте љубител на зелениот чај речиси еднакво ефикасен е и оној од нане, или ако и овој вид на чај не е по ваш вкус одлучете се за било кој друг, кој можеби нема да биде толку ефикасен но барем малку ќе помогне во освежување на усната шуплина.