Гладта има негативна конотација во нашето друштво. Нашата прва реакција на тој збор е дека во прашање е нешто лошо, чувство кое треба да го подобрите или потиснете. Меѓутоа, гладта е многу важна за целокупното искуство со исхраната. Храната едноставно има подобар вкус кога сме гладни...

Многу луѓе грицкаат по цел ден, никогаш не се целосно сити, но на своето тело сепак не му оставаат време да стане гладно. Други ќе се обидат да го игнорират тоа чувство на глад во обид да изгубат неколку килограми.

Еве три причини зошто треба да ја прифатите гладта во секојдневниот живот:

1.Јадењето во отсуство на глад значи дека претеруваме
Поедини стручњаци за губење на тежината остваруваат голем успех со помош на алатката наречена Скала на глад. Концептот е многу едноставен. Кога ја користите Скалата на глад, не јадете додека не забележите дека сте пријатно гладни (не умирате од глад), и престанувате со оброкот кога сте пријатно сити (не полни).

Ова излегува во престрет на сите потреби на телото за храна но не го преоптеретува со преголеми и претерани количества на храна.

2.Допуштањето на децата да бидат гладни ја намалува нивната пребирливост
Дел од одговорноста во исхраната на децата има врска со одредување на правилен временски интервал помеѓу оброците. Доколку го оставите детето доволно време помеѓу оброкот да стане гладно, храната ќе има подобар вкус и ќе му помогнете да биде поподготвено да проба нови намирници.

На децата им е многу лесно да бидат пребирливи кога не се гладни.

3.Гладта ни овозможува да уживаме во храната
За храната да ни биде навистина добра, потребно е да бидеме навистина гладни. А добрата глад се создава со правилни паузи помеѓу оброците.