Само 3% од испитаниците изјавиле дека уредно ги средуваат своите фотографии од патувањата во фото албум, во неодамнешното истражување спроведено во Велика Британија...

Просечниот Британец на патување прави повеќе од 300 фотографии. Меѓутоа, само незначаен дел од нив завршува во албум, додека речиси сите фото спомени завршуваат во дигиталниот свет, првенствено на друштвените мрежи.

Занимливо е тоа што од сите направени фотографии, секоја десетта ги задоволува критериумите на сопственикот да се најде на Фејсбук или Твитер.

"Навистина е штета што така мал број на луѓе ги печатат своите фотографии, имајќи во предвид дека тие можат да се урамат, закачат на ѕид и да го разубават вашето секојдневие. Фотографиите така најчесто остануваат заглавени во компјутерите", изјавил Крис Кларксон, основач на сајтот „Sunshine“.

Во истражувањето кое го спровел споменатиот сајт учествувале повеќе од 2.000 испитаници кои во текот на изминативе години дена својот одмор го искористиле за патување.