Русинот кој во рачен багаж носел 26.000 дијаманти, во вредност од најмалку 162.000 долари, на московскиот аеродром кажал дена „нема што да пријави“.

Невработен руски државјанин (37), кој дијамантите спакувани во пластично проѕирно ќесе ги пренесувал од Дубаи, приведен е вчера на аеродромот Шереметјево, соопшти руската царинарска служба.

„Царинарот забележал дека, за време на редовниот преглед на багажот, патникот бил видно нервозен и дека ја стискал тобрата под пазувите, па побарал да види што се наоѓа во неа“, рече портпаролката на аеродромот, Наталија Карасева.

Приведениот маж, од Дагестан во Северен Кавказ, кажал дека дијамантите му ги носи на пријател. За сега не се знае дали против него ќе биде покрената кривична постапка.