Легендарниот кошаркар одлучи по втор пат да го каже судбоносното „да“.

Според многумина најдобриот кошаркар на сите времиња, Мајкл Џордан (50), во Палм Бич побарал дозвола за склопување брак, која ќе му биде одобрена во наредните неколку дена, а според тамошниот закон венчањето мора да биде извршено во рок од два месеци по неговото издавање.

Иако портпаролот на округот Палм Бич, Кети Барстејн, не сакала да каже која е невестата, немаше ни потреба затоа што Џордан во 2011 година се вери со кубанскиот модел Ивет Пријето (34) по три години забавување.

На Ивет ова ќе и биде прв, а на славниот кошаркар втор брак. Џордан по 17 години брак, во 2006 се разведе од Хуанита Веној со која има два сина и една ќерка, а разводот го чинеше неверојатни 150 милиони долари.

Џордан во NBA лигата помина речиси 19 години, а по две кратки повлекувања, официјално и кажа збогум на играчката кариера во 2003 година.