Наместо традиционално резбање насмевка на тиквите, градинарот David Finkle е зафатен со резбање на лица од неговите омилени ѕвезди. David кој има 30 години ги изрезбал лицата на Simon Cowell од X Factor, гламурозниот модел Јордан, премиерот Gordon Brown, на плодовите кои растат во неговата мала фарма во Челмсфорд, Есекс.

По повод ноќта на вештерките (Halloween) тој ги завршил и лицата на пејачката Amy Winehouse, фудбалерот Wayne Rooney, Michael Jackson па дури и американскиот претседател Barak Obama.

Идејата за резбање му дошла уште од минатата година, кога имало натпреварување во некој паб близу неговиот дом, но тогаш тој почнал со резбање на духови. Оваа година се одлучил за познати личности. За да ја направи секоја од тиквите, му се потребни најмалку 3 часа.