Постојат некои мали работи кои можат да направат голем напредок во вашиот љубовен и сексуален живот, покажало истражување кое опфатило 100.000 луѓе ширум светот.

Учесниците во истражувањето на Универзитетот Вашингтон, биле личности од двата пола, постари од 18 години. На прашањето - што ве прави среќни во кревет, најчесто наведувале: спиење без облека, нежни бакнежи, страствен петинг.

Исто така, 40% од испитаниците кажале дека секс имаат три до четири пати неделно, а на прв поглед се вљубуваат 48% мажи и 28% жени.

Романтиката им фали на сите - 29% жени кажале дека им е жал што нивниот партнер повеќе не е романтичен, а тоа истото им недостига на поголем број мажи - 40% од нив се пожалиле на недостаток на романтика.

Таен љубовен живот имаат 27% од испитаниците.

Тие кои кажале дека се среќни во љубовта, 62% од нив, својот партнер често го држат за рака, се бакнуваат кога и да почувствуваат потреба за тоа, без оглед на тоа дали се на јавно место или не.

Најмалку од сите, на љубовни состаноци одаат Американците - 44%, најмногу Французите - 55%. Иако и Италијанците и Англичаните исто така во голема мерка практикуваат „дејтови“ - 54%.

Кога во креветот и во љубовта ќе „зачкрипи“ проблемот се решава со следните „финти“: 34% од учесниците на анкетата кажале дека понекогаш спијат голи затоа што тоа го поттикнува возбудувањето, а помага и страственото бакнување без секс на крајот, посебно на места на кои тоа не се практикува.

Меѓу американските испитаници најсреќни се оние кои со партнерот имаат отворена комуникација, потоа пријателство, па љубов, секс и на крајот брачно/родителски однос.