Познато ви е чувството кога јадете и јадете, но никако не можете да се најдете? Храната би требало да ја засити гладта, но некои намирници делуваат токму спротивно - ве прават уште погладни...

Помфрит
На вкусните пржени компирчиња кои имаат речиси култен статус меѓу храната, малкумина можат да им одолеат. Тие се вкусен прилог на многу јадења, а некои со задоволство ги јадат и сами, најчесто со кечап. Но, овие јагленохидрати се полни со скроб и се намирници кои тешко можат да ве заситат.

Бели тестенини
Поради преработката во која се отстранети влакната и некои хранливи состојки, белите тестенини се поконцентрирани и слатки, но и помалку здрави. Тие спаѓаат во едноставните јагленохидрати кои предизвикуваат зголемување на нивото на гликоза во крвта поради што чувствувате повеќе глад.

Јогурт со вкус
Јогуртот е одличен извор на калциум кој ја одржува цврстината на коските, но ако јадете таков со вкус на јагода, круша или некое друго овошје, во организмот ќе внесете многу повеќе шеќер отколку калциум.

Ход дог
Виршлата во тесто за многумина е омилен оброк, но колку и да уживате во вкусот, сепак треба да го прифатите фактот дека тој е лош за вашиот дигестивен систем. Кога организмот ќе го наполните со неприродни состојки нема долго да бидете задоволни и за кратко време ќе барате уште.