Детството завршува на 12-годишна возраст поради "токсична комбинација" од влијанија, меѓу кои се и онлајн порното и шоубизнис културата, покажува истражувањето меѓу британски родители...

Околу 75% од анкетираните мајки и татковци изјавиле дека детските квалитети се губат пред нивните деца да влезат во своите тинејџерски години. 60% од родителите се пожалија дека нивните деца ја губат невиност уште на 10 години.

Само еден од 50 испитаници изјавил дека успеал да го заштити своето дете од пребрзиот раст пред да наполни 16 години, возраста, во која нивната генерација влегува во зрела фаза. Во истражувањето на сајтот за родителска грижа 'Netmums' учествувале околу 1000 родители чии деца биле на возраст помеѓу 7 и 13 години. 89% од учесниците изјавиле дека општеството ги тера децата да созреваат премногу брзо.

Според нив невиноста се губи поради широкиот пристап до интернет порно, социјалните медиуми, шоубизнис културата, сликите на слаби или прекумерно сексапилни ѕвезди и списанија, насочени кон малите деца, исполнети со несоодветна содржина. Анкетата покажа уште дека 2/3 од младите момчиња мислат дека треба да се однесуваат како мачовци. Половина од нив се загрижени премногу за својот изглед, а сличен процент сметаат дека треба да бидат добри во се - од училиштето до спортот. 1/3 сметаат дека "парите се најважната работа за човекот".

75% од девојчињата се опседнати со својот изглед, половина се загрижени за својата популарност, а сличен процент чувствуваат огромен притисок да бидат слаби. Над 25% од девојките под 13 години размислуваат за спротивниот пол, бакнежи и секс. Мнозинството родители изјавиле дека облеката на децата, особено на девојчињата, често е премногу секси. Многу од нив се пожалиле од димензиите на облеката што се исти за 7 до 16-годишните. 1/3 од мајките и татковците изјавиле дека постојано се борат да ги задржат детското во своите деца што е можно подолго.

Постои значителна разлика во забавата на различните генерации. Само 20% од денешните деца сакаат да читаат спрема 40% од нивните родители. Само 25% од денешните млади сакаат да играат надвор и наместо тоа претпочитаат да се сами со iPad или други таблети. Над 2/3 од родителите изјавиле дека сакале да играат надвор во детските години.