Новите Gucci чанти имаат своевиден „пасош“ во кој е објаснето се во врска со кравата од чија кожа настанал производот.

Новите еколошки Gucci чанти се изработени од бразилски крави чија кожа спаѓа меѓу најбараните во модната индустрија.

Купувачот на чантата добива „пасош“ со детално објаснување за настанокот на производот, пред се за животот на кравата.

Зошто е важно како и каде живеела кравата пред да „стане“ чанта?

Затоа што еколошката организација Greenpeace во 2009 година објавила резултати од истражување кое покажало дека во Бразил се уништуваат дождливите шуми за да се направи доволно место за одгледување на стока чија кожа е барана ширум светот.

Поради тоа уништување на животната средина многу модни куќи, меѓу кои и Gucci престанале да ја користат бразилската кожа за своите производи.

Затоа сега се досетиле да издаваат своевидни пасоши со објаснување дека чантите се направени од кожата на кравите кои се одгледуваат исклучиво на легални ранчеви.