Многу жени сакаат да се ослободат од вишокот килограми, но не успеваат и тоа поради чувството на вина, открија британските научници...

Истражувањето покажува дека жените кои се на диета консумираат повеќе калории дури и во споредба со жените кои не се ограничени со количеството на храна. Разликата е во фактот дека претставничките на понежниот пол, кои се лишуваат од јадење, имаат силно чувство на вина. Ова често предизвикува психолошки проблеми и депресија. Во истражувањето учествувале 148 жени.

Тие биле подложени на тест и требало да пробаат храна со висока содржина на калории како чипс и чоколадо и други корисни производи како пченкарни бисквити и јаболка. Додека тие го јаделе подготвеното мени, научниците им поставувале прашања за нивните емоции, вклучувајќи го и чувството на вина.

Резултатите покажуваат дека учесничките јаделе еднакво количество калории, но оние кои негувале диета, биле растргнати од суровото чувство на вина.