Од поткаснувањето наутро обично се откажуваат оние кои прават некакви диети, но исто така и оние кои се оправдуваат дека немаат време. А појадокот е можеби најважното јадење за денот. Без ставање нешто во устата пред излегување од дома, се паѓа во стапица...

Избегнувањето на појадокот води до прејадување на ручек, а некои и во текот на ноќта се упатуваат кон фрижидерот. Топењето на килограмите не треба да биде на сметка на појадокот, велат експертите.

Намалувањето на калориите треба да го опфати целото дневно мени. Наутро ни требаат повеќе јаглехидрати за енергија и чај, кафе, свежо исцедени овошни сокови за бодрење. Народот го знае тоа од многувековно искуство. Пржени кришки, мекиците, баница, билен чај, свежото и кисело млеко се типични храни кои заситуваат и даваат сила за долги часови.

Преку неделата подготовка е малку потешко, но за време на викендите ништо не ве спречува да го изненадите целото семејство.