Мажите кои ги одгледал грижлив татко емоционално се постабилни и полесно се носат со секојдневниот стрес отколку оние кои имале незаинтересиран татко, тврдат психолозите.

Студијата на факултетот Фулертон во Калифорнија покажала дека татковците играат многу важна улога во психичкото здравје на своите деца дури и кога тие пораснуваат.

Анкетирани се над 900 личности на возраст меѓу 25 и 74 години, а професионалците се концентрирале на нивниот психолошки и емоционален дистрес (дали се депресивни, нервозни...) и можните страсни ситуации низ кои поминале тој ден. Тие ситуации се дефинирани како расправии, несогласување, напнатост на работата или дома, дискриминација...

Испитаниците одговарале на прашања за квалитетот на односот со мајката и таткото во детството - на пример, морале да оценат колку внимание и време им подарувала мајката, а колку таткото.

Во главно односот на испитаниците бил подобар со мајката, посебно кај синовите, отколку со таткото.

Мажите кои имале многу добар однос со мајката имале 3% помала појава на психолошки дистрес во однос на личностите чиј однос со мајката не бил добар.

Меѓутоа, мажите кои повеќе се согласувале со таткото во детството, денеска во помала мерка се склони на емоционално реагирање кога се во прашање стресни ситуации, што не може да се каже за жените.

Ако испитаниците кажале дека имале лош однос со двата родитела, пријавиле поголем број на стресни инциденти за време на осумдневната студија во однос на личностите чиј однос со родителите бил позитивен.