Попладневната дремка на малите деца на температура од минус неколку степени е секојдневие за родителите во скандинавските земји...

Во зима дневните температури во Стокхолм редовно паѓаат под минус 5 степени, но тоа не им пречи на мајките да ги остават своите деца во количката на студот пред домовите и кафулињата, додека тие пијат кафе внатре.

Ако одите на гости кај некого и детето заспие, не се изненадувајте, ако родителите го остават на балкон или во дворот, наместо во детската соба. "За децата е подобро да бидат на свеж воздух, особено во зима, така се зацврстуваат и се штитат од болести", објасни Лиза Марди, мајка на три деца во шведската престолнина.

Нејзиниот најмал син кој има две годинки секој ден спие во количката надвор барем по два часа. Кога бил помал, спиел барем по два пати на ден на студеното време за јакнење на имунитетот. Кога температурата ќе падне до минус 15 степени, мајките ја покриваат количка со ќебиња за да не им биде премногу студено на бебиња внатре.