Непалската алпинистка Чурим Шерпа е прогласена за прва жена која го освоила Монт Еверест (8.848 метри) два пати не само во иста сезона, туку во период од само неколку дена, соопштено е од Гинисовата книга на рекорди.

Како што пренесуваат агенциите, оваа млада жена (29) се качила на покривот на светот најпрво на 12 мај 2012, за потоа да се спушти во пазата од каде седум дена подоцна, по краток одмор, повторно тргнала во освојување на врвот.

„Среќна сум поради признанието. Бев цврсто решена рекордот да и припадне на Непалка“, рече Чурим откако Гинис официјално и го врачи сертификатот во Катманду.

Монт Еверест прв пат го освои една Непалка во 1993 година. Од тогаш уште 21 алпинистка од таа земја се качиле на највисокиот планински врв на земјата.

Околу 3.000 луѓе успеале да го „покорат“ Еверест откако во 1953 година Едмунд Хилари и Тензинг Норгај први го освоиле врвот.

Сезоната на качување на Еверест почнува кон крајот на април и трае само два месеци, до почетокот на монсуните.