Заборавете на паметта, добриот изглед и воспитувањето. Кога станува збор за напредок во животот, успехот зависи од должината на безимениот прст, покажува новото истражување објавено во британските медиуми...
Според истражувањето должината на безимениот прст го издава претприемачкиот талент, вештини, преференциите за работа и многу други карактеристики кои се залог за успешна кариера.
За целта на истражувањето економистите Алдо Рустичини и Луиџи Гисо интервјуирале над две илјади Италијанци со мал бизнис. При споредба на односот меѓу успехот и безимениот прст, истражувачите откриле дека сопствениците на долгите безимени прсти се посигурни и преземаат поголеми ризици.
За да бидете добар претприемач безимениот прст мора да биде помеѓу 10-20% подолг од показалецот.
