Иако нема ни потврдено дека е во врска, британските обложувалници веќе прифаќаат обложувања за венчавката.

Принцот Хари (29) е во врска со Кресида Бонас (24), за што се обидел да не зборува во јавноста, но минатата недела испливаа слики како парот се прегрнува и бакнува на скијање.

Британскиот печат исчепкал се за семејството на русокосата која најблиските ја викаат Креси, богата фамилија која има блиска врска со кралското семејство.

Младиот принц веројатно се чувстувал како да е дома во куќата на семејството Бонас, навикнато да прима високородени гости и најбогатите луѓе во Британија.

Креси студирала танцување, сака да оди на рејв-журки и да ужива во природата, со што е очигледна спротивноста со одмерената Кејт Мидлтон, со која принцот Вилијам се ожени и со која сега чекаат бебе.

Хари, кој се уште не успеа да се ослободи од прекарот „гологазиот принц“, мудро молчи и за врската, и за можната венчавка, иако британските обложувалници веќе примаат обложувања за тоа дека оваа година ќе го каже судбоносното „да“.