Бездомник на жената и го вратил прстенот, а таа во знак на благодарност за него собрала 130.000 долари.

Бездомникот на кого жена случајно наместо паричка му даде дијамантски прстен, го зачувал и и го вратил, што подоцна му се исплатило.

Додека Сара Дарлин од Канзас Сити на бездомникот Били Реј Харис му пуштала паричка во шеширот, и паднал вереничкиот дијамантски прстен.

Прстенот завршил во паричникот затоа што, како што објасни таа, и пречел на прстот. А кога од паричникот земала парички за да му ги даде на бездомникот, не ни забележала дека меѓу нив залутал и прстенот.

Дека и го нема прстенот забележала дури следниот ден и се вратила кај бездомникот. Били веднаш го извадил прстенот и и го вратил, а тоа му се исплати.

Сара и нејзиниот сопруг, за да му искажат благодарност, започнале кампања на страницата giveforward.com преку кој собираат пари за да му помогнат на Били.

За нешто повеќе од недела дена уплатени се повеќе од 5.000 донации и собрани се речиси 137.000 долари.

Бил, сопругот на Сара, отишол до чесниот наоѓач и го известил за кампањата, а патем му помогнал да го поправи велосипедот.