Науката конечно има објаснување за тоа зошто жените (често) не престануваат да зборуваат.

Стереотипот за жена која „не ја затвара устата“ сега има и научна потврда, но и „оправдување“. Поранешните истражувања покажале дека жените во просек во текот на денот изговараат околу 20.000 зборови, додека на молчаливиот посилен пол за дневна комуникација му се доволни скромни 7.000 зборови.

Фактот е дека понекогаш може да биде напорно да се живее со „дрдорлива“ дама, но пред следниот пат да помислите „жено, каде се исклучуваш?!“, сетете се дека не е виновна таа, туку - природата.

За развој на јазикот и комуникација одговорен е протеинот foxp2, а научниците сега утврдиле дека кај жените нивото на овој протеин кој е клучен за вербална комуникација е повисок за 30% отколку кај мажите.

Оваа разлика се забележува уште во најрана возраст, па девојчињата многу порано прозборуваат отколку момчињата, а порано почнуваат да склопуваат и реченици. Оваа разлика станува уште поупадлива на возраст во која децата почнуваат да користат простопроширени реченици, затоа што девојчињата имаат побогат речник и располагаат со многу поразновидни конструкции на речениците од момчињата кои што им се врсници.