Австриецот Феликс Баумгартнер подобри три светски рекорди, откако скокна од "работ" на вселената во октомври минатата година, потврди Светската федерација на воздушни спортови...
Организацијата, чие седиште е во Швајцарија, објави дека Баумгартнер ги скршил светските рекорди за најбрзо вертикално спуштање, највисоко скокање и најдолга вертикална оддалеченост при слободно паѓање.
Федерацијата се согласи и со конечната анализа на Ред Бул Стратос, според кој 43-годишниот скокач достигна брзина од 1357,6 км/ч.
Скокот на Баумгартнер се одржа над Розуел, во државата Њу Мексико, на 14 октомври минатата година. Тој стигна до "работ" на вселената - 38 969,4 метри височина, со помош на херметизирани капсула, прикрепена кон балон со хелиум.
