Золтан Гали, кувар од Војводина, смотал и зготвил 10.374 сарми, тешки 1.400 килограми!

Золтан уште пред две години го сруши рекордот на кувар од Футог кој зготвил 6.556 сарми, тешки 925 килограми, но официјалната потврда за срушување на рекордот стигна дури сега.

Золтан вели дека кулинарството го засакал уште од детството, а дека првиот паприкаш го зготвил кога имал осум години.

По врачувањето на сертификатот кој официјално го потврдува Гинисовиот рекорд, Золтан приредил прослава во општината Ада.

Дали при таа прилика се служеле сарми, не е познато, како што не е познато ни кој ги изел сите оние „рекордерки“.