Британската Клара Коуел одлучила да се откаже од штетната навика пред 102-от роденден...

Таа раскажува дека за прв пат запалила цигара во 1931 година. Оттогаш до сега испушила околу 60 илјади цигари, но две недели пред 102-от роденден таа решила да го промени својот живот.

"Тајната на долговечноста на мајка ми е цигара и чаша чај со виски. Плус тешкотии и многу сиромаштија", раскажува нејзината 69-годишна ќерка Линда. Клара живее сама во старечки дом. Со нејзиниот покоен сопруг Џорџ имаат четири деца.

За време на Втората светска војна нејзиниот сопруг бил на фронтот, а таа била шивачка и шиела падобрани во фабриката за одбрана. Таа има девет внуци, 12 правнуци и 4 праправнуци.

Во август 2010 година во Лондон почина Вини Ленгли, најстариот пушач, која испушила најмалку 170 000 цигари за време на својот живот.