Сметките во пицериите во Франција за година дена се намалени во просек за 3%, а пицата изгубила речиси еден сантиметар во дијаметар, според резултатите на едно истражување кое опфатило 113 пицерии...

Поради зголемените даноци, некои производиели на тутун го намалиле бројот на цигари во едно пакетче, а поради кризната многу пицерии избрале да го намалат дијаметарот на пиците, пишува француски "Figaro".

Во истражувањето кое минатиот месец го објави маркетинг куќата CHD, се наведува дека дијаметарот на пиците за година дена од 32 сантиметри е намален за 31,3.

На прв поглед тоа не изгледа многу, меѓутоа, треба да се има во предвид дека на тој начин пицата изгубила од својата површина дури 4,3%, на штета на клинетите. Во исто време, намалениот просечниот износ на сметката (без пијалок), изнесува 3%, од 13,4 на 12,9 евра.

И покрај намалената димензија, пицата останува омилен специјалитет кај Французите.

Истото истражување открива дека секој Французин јаде околу 20 пици годишно (1,3 милијарди годишно на ниво на земјата), што Франција ја става во позиција на втор светски пазар на овој производ, зад САД, а пред Италија.