Во Виетнам се користи чуден начин за одвикнување на децата од пелени - свиркање.

Секој пат кога мајката ќе го види детето како моча таа почнува да свири, а потоа детето го става на нокшир. На тој начин во врска се доведуваат звукот и мокрењето, а дека методот е ефикасен сведочи и фактот дека малите Виетнамци веќе од девет месеци почнуваат да користат нокшир, за разлика од децата во остатокот од светот, а во некои земји децата пелените ги „соблекуваат“ дури околу втората година.

Мајките напоменуваат, дека многу е важно со свиркањето да се почне од самото раѓање, секогаш кога родителот ќе претпостави дека на бебето му се моча.

Двегодишното истражување на овој виетнамски обичај е спроведено во Шведска, а опфатило 47 бебиња и нивните мајки. Се покажало дека сиврањето навистина е ефективен метод за навикнување на бебињата на употреба на нокшир, како и дека раното контролирање на бешиката е многу здраво.

Освен што семејството ќе заштеди затоа што нема да мора повеќе да купува пелени за бебето, контролирањето на физиолошките потреби е здраво за уринарниот тракт.